賞櫻尾班車！富士芝櫻祭開催😍50萬棵粉紅花海💗

吉野櫻啱啱滿開啦！追唔到唔緊要，仲有尾班車！ 第17屆「富士芝櫻祭」將於2024年4月13日至5月26日，喺山梨縣富士五湖地區本棲湖度假村舉行，可以欣賞一大遍、大約50萬棵嘅粉紅芝櫻花海，正式迎接春天😚 除咗粉紅芝櫻之外，仲有白色、紫色等，園方更加設有唔同裝置比大家打卡影相呃Like，例如黃色大門、木造小艇等等💛當中最具代表性嘅一定係由芝櫻組成嘅「小富士山」！😍前後真假富士山對比，夠曬過癮！😎 祭典仲包括美食嘉年華，會有唔同檔口售賣各種小食，例如富士山造型鯛魚燒、富士宮炒麵、吉田烏冬、桔梗信玄餅等等，唔會餓親大家～😋😋當然唔少得特色手信啦！例如芝櫻富士玻璃窗造型書籤，送比朋友相當得體有意思😍😍 交通方便，會場貼心安排咗穿梭巴士協助遊客進出，會於新富士站、富士山站、河口站之間來回。 如果想再方便啲，可以購買包直達場地嘅套票，除咗包入場券仲有車喺新宿、東京、澀谷、二子玉川、橫濱、町田、藤澤、日吉、中心北、多摩廣場等地直接出發，咁就夠曬輕鬆啦！成人價錢大概 6200yen，值唔值見仁見智～ 如果想欣賞咁靚景色，4月會去日本嘅就記住Bookmark咗佢啦！ 資料來源：fujimotosuko-resort.jp #芝櫻祭#富士山#河口湖#攻略#日本櫻花#日本旅遊攻略